Obradoiro de Xogos Tradicionais
ARRANCA O FICRURAL XOGO LEVANDO AS ESCOLAS DE COMPOSTELA UNHA MOSTRA DE XOGOS POPULARES
FICRURAL XOGO é un dos tres eixos estratéxicos do FICRURAL, Foro Internacional da Cultura e Economía Rural, co que se pretende divulgar o patrimonio lúdico galego, socializalo e levar as escolas os xogos tradicionais, como alternativa de ocio aos xogos actuais.
Ficrural Xogo
ARRANCA O FICRURAL XOGO LEVANDO AS ESCOLAS DE COMPOSTELA UNHA MOSTRA DE XOGOS POPULARES
FICRURAL XOGO é un dos tres eixos estratéxicos do FICRURAL, Foro Internacional da Cultura e Economía Rural, co que se pretende divulgar o patrimonio lúdico galego, socializalo e levar as escolas os xogos tradicionais, como alternativa de ocio aos xogos actuais.
E para os non tan cativos, acercar a contorna rural como alternativa de ocio para a práctica de actividades saudables e sostibles, promovendo o coñecemento deste territorio, a través de roteiros temáticos, andainas, saídas en bici e outras actividades para dar a coñecer o rural compostelán.
E como primeira actividade, este mércores 19 de decembro levase unha ludoteca de xogos tradicionais ao CEIP Raiña Fabiola, sendo este o primeiro dos cinco centros de Educación Primaria de Compostela aos que se vai a levar.
Esta ludoteca conta cunha colección de xogos para todas as idades elaborados artesanalmente e inspirados en xogos tradicionais de épocas e lugares diversos.
A idea é cear un espazo de ocio alternativo, onde poder gozar do xogo tradicional á vez que se desenvolven habilidades e destrezas manuais, cognitivas e a capacidade imaxinativa, a través de xogos de precisión, de lanzamento, de habilidade, de enxeño e de cooperación.
FICRural Feira
Como aconteceu sempre nas feiras ao longo da nosa historia, crearase un espazo de encontro para favorecer o intercambio, o diálogo e a reflexión sobre o pasado, o presente e o futuro do mundo rural, compartindo experiencias con actores públicos e privados, nacionais e internacionais, e xerando unha rede de contactos e colaboración entre axentes de proxectos de emprendemento rural e de dinamización dos recursos endóxenos de Compostela e Comarca e dos concellos da provincia de A Coruña.
Ligazón da nota de prensa da exposición Anacos do Rural
Descargar Cartel
FICRural Visión
Mediante o conxunto de accións, eventos e actividades propostas dentro do FICRural Visión, preténdese mellorar o coñecemento da nosa cultura e identidade, así como crear un arquivo de recursos audiovisuais para recuperación da memoria rural e favorecer o diálogo intercultural entre os espazos rurais e os urbanos.
Aproveitando recursos cotiás como os móbiles e as redes sociais, desenvolveranse actividades como xincanas fotográficas e audiovisuais nas parroquias rurais de Compostela, enfocadas principalmente nas rapazas e rapaces dos centros de Educación Secundaria.
Ligazón Festival de Cine Carlos Velo